Samhugur stjórnenda
Að leiða breytingar með sameiginlegu markmiði
Að styðja stjórnendateymi við að skapa samstöðu, skilja flækjustig og umbreyta áskorunum í mælanlegar umbætur
Árangur Samhugs stjórnenda
Samkvæmt reynslu hjá nokkur hundruð fyrirtækjum síðustu 20 ár má gera ráð fyrir eftirfarandi árangri á fyrsta ári:
40% mála hafa verið leyst
Næstu 40% mála hafa lagast og lausn komin á veg
20% mála óleyst
Markmið og afurð Samhugs
Að skapa traust umhverfi samvinnu og lærdóms
Að koma af stað breytingarferli, með því að þátttakendur sjái sameiginlega þörf fyrir breytingar
Setja fram áætlun um aðgerðir sem er studd af stjórnendateyminu
Að kenna hvernig fara á að því að greina, meta og ræða vandamál og setja þau í forgangsröð með samvirkum hætti án þess að leita eftir sökudólgum.
Ákvarða hvort þau vandamál sem liggja fyrir séu eðlileg eða óeðlileg með vísan til kenningarinnar um æviskeið fyrirtækja.
Að stuðla að auknum skilningi teymisins á því hvernig allir þættir starfseminnar tengjast saman og eru hver öðrum háðir
Í Samhug er lögð áhersla á eftirfarandi lykilþætti í framkvæmd
- Málin eru rædd af þeim aðilum sem ætla að bindast samtökum um að ná auknum árangri í viðkomandi starfsemi
- Vinnustofunni er stjórnað þannig að fólki er auðveldað að bera upp hvaða málefni sem er og tryggt að umræða verði málefnaleg
- Sjónum er beint að því að greina tækifæri sem felast í úrlausnarefnum sem teymið hefur vald á að leysa og beinir jafnframt spjótum að orsökum frekar en afleiðingum
- Vinnustofan endar með stefnu um úrlausnarferli og aðgerðaáætlun (næstu skrefum)
- Niðurstaðan skapar grundvöll til þess að meta árangur af aðferðum/breytingum í kjölfarið
Hvers vegna Samhugur stjórnenda?
Orð eru til alls fyrst, og þau þurfa að leiða til sameiginlegs vilja þeirra sem þurfa að leiða þróun og breytingar. Mikilvægt að hafa hugfast að allir vilja þróun, en enginn vill breytingar. Við erum föst í vananum og viljum helst halda í það sem við höfum.
Þess vegna er óánægja með ríkjandi ástand, sem skapar knýjandi þörf fyrir breytingar, nauðsynlegt skilyrði fyrir hverju breytingaferli sem skila á árangri. Samhugur stjórnenda er heiti á vinnustofu , sem gengur út á sameiginlega sýn og samhæfða greiningu starfseminnar sem viðkomandi stjórnendateymi ber ábyrgð á.
Teymið lærir að sjá allar hliðar starfseminnar og innbyrðis tengsl einstakra þátta undir stjórn utanaðkomandi umræðustjóra. Þetta er gert til þess að skapa öruggt umhverfi fyrir þátttakendur, fá fram hreinskiptna umræðu og móta skilning á því að hvert fyrirtæki er mannlegt og lífrænt kerfi þar sem allir hlutir eru innbyrðis háðir meira eða minna. Teymið ræðir innri árangurstækifæri og flokkar þau sameiginlega til þess að meta stöðu fyrirtækisins, orsakasamhengi og ákvarða og forgangsraða viðfangsefnum þar sem koma má við úrbótum bæði með tilliti til innviða, ferla og árangurs.
Hafa samband
Tímalengd Samhugs stjórnenda
Samhugur tekur tvo daga (heila eða hálfa) sem verða að vera samfelldir.